Tashrif davomida deputat kutubxonada yaratilgan sharoitlar, mavjud kitob fondi, adabiyotlarning mazmun-mohiyati hamda kitobxonlar uchun yaratilgan imkoniyatlar bilan tanishdi.

Kutubxonaga mas'ul xodimning ma'lum qilishicha, mahallaga tashrif buyurayotgan fuqarolar orasida kutubxonaga murojaat qilib, mutolaa bilan shug‘ullanayotganlar soni ortib bormoqda. Bu esa aholi, ayniqsa yoshlar o‘rtasida kitobxonlikka bo‘lgan qiziqish tobora oshib borayotganini ko‘rsatadi.

️ O‘rganish davomida deputat kitobxonlik madaniyatini rivojlantirish, yoshlarni mutolaaga keng jalb etish hamda mahallalarda ma'naviy-ma'rifiy muhitni yanada yaxshilash masalalari yuzasidan o‘z fikr va takliflarini bildirdi.

Shuningdek, deputat tomonidan kutubxona fondini yanada boyitish, zamonaviy va badiiy adabiyotlar bilan ta'minlash hamda yoshlar ishtirokida turli ma'rifiy tadbirlarni ko‘paytirish bo‘yicha tavsiyalar berildi.

Xalq deputatlari Samarqand shahar Kengashi deputatlari tomonidan hududlardagi mavjud masalalarni o‘rganish, aholining taklif va tashabbuslarini qo‘llab-quvvatlash hamda muammolar yechimiga ko‘maklashish borasidagi ishlar izchil davom ettirilmoqda.

️ Xalq deputatlari Samarqand shahar Kengashi