Deputat so‘rovida hududdagi elektr tarmoqlarining texnik holatini joyiga chiqqan holda o‘rganish, kuchlanishning me’yordan past bo‘lish sabablarini aniqlash, transformator punktining yuklama darajasini baholash hamda zarurat bo‘lsa, quvvati yuqoriroq transformator o‘rnatish imkoniyatlarini ko‘rib chiqish bo‘yicha aniq vazifalar ilgari surildi.

Mazkur deputat so‘rovi asosida Termiz shahar elektr ta’minoti korxonasi mutaxassislari ishtirokida hududda o‘rganish ishlari olib borildi. Joyiga chiqib o‘tkazilgan texnik tekshiruvlar davomida elektr ta’minoti tizimi ko‘zdan kechirildi, transformator punkti va iste’molchilar tarmoqlari o‘rganildi hamda fuqarolar bilan uchrashuv o‘tkazildi.

O‘rganish natijalariga ko‘ra, elektr ta’minoti holati nazoratdan o‘tkazilib, zarur texnik choralar ko‘rildi va masala ijobiy hal etildi.

Xalq deputatlari Termiz shahar Kengashi deputatlari tomonidan fuqarolar murojaatlarini o‘rganish, ularni qonuniy asosda hal etish hamda ijrosini deputatlik nazorati orqali ta’minlash ishlari izchil davom ettirilmoqda.