📢 Moliyaviy xizmatlardan foydalanish imkoniyatlari kengaymoqda!

🇺🇿 O‘zbekiston Respublikasining "Nobank kredit tashkilotlari va mikromoliyalashtirish faoliyati to‘g‘risida"gi O‘RQ–765 Qonuni 2022-yil 20-aprel nobank kredit tashkilotlari faoliyatini tartibga solish hamda mikromoliyalashtirish xizmatlarini rivojlantirish uchun muhim huquqiy asos hisoblanadi.

✅ Qonunning asosiy maqsadlari:

• Aholining moliyaviy xizmatlardan foydalanish imkoniyatlarini kengaytirish;

• Tadbirkorlik subyektlarini moliyaviy qo‘llab-quvvatlash;

• Nobank kredit tashkilotlari faoliyatini samarali tartibga solish;

• Mikromoliyalashtirish xizmatlari sifatini oshirish;

• Moliyaviy bozorda sog‘lom raqobat muhitini rivojlantirish.

📌 Qonun nimalarni tartibga soladi?

🔹 Nobank kredit tashkilotlarini tashkil etish va ularning faoliyati;

🔹 Mikroqarz, mikrokredit hamda boshqa mikromoliyaviy xizmatlarni ko‘rsatish;

🔹 Moliyaviy xizmatlarni taqdim etish tartibi va shartlari;

🔹 Mijozlarning huquq va qonuniy manfaatlarini himoya qilish;

🔹 Nazorat, hisobot va qonunchilik talablariga rioya etish.

🤝 Ushbu qonun aholi, oilaviy tadbirkorlik, kichik biznes va xususiy tadbirkorlik subyektlarining moliyaviy resurslardan foydalanish imkoniyatlarini kengaytirish, zamonaviy moliyaviy xizmatlar bozorini rivojlantirish hamda moliyaviy inklyuzivlikni ta’minlashga xizmat qiladi.