Xalq deputatlari Nurobod tumani Kengashining Mahalliy budjet, tadbirkorlikni rivojlantirish va iqtisodiy islohotlar masalalari bo‘yicha doimiy komissiyasi a’zosi N.Ziyadinov hamda doimiy komissiyaga biriktirilgan tashkilot vakili bilan hamkorlikda 8-Ulus saylov okrugi hududida joylashgan 10-son oilaviy poliklinikada navbatdagi sessiya kun tartibiga kiritilgan tuman sog‘liqni saqlash bo‘limi boshlig‘i A.Abievning hisoboti yuzasidan o‘rganish ishlari olib borildi.

➡️O‘rganish davomida aholi uchun yaratilgan shart-sharoitlar, birlamchi tibbiy xizmat ko‘rsatish sifati, tibbiyot muassasasining moddiy-texnik bazasi, dori vositalari va tibbiy jihozlar bilan ta’minlanganlik darajasi, shuningdek, aholining murojaatlari bilan ishlash holati atroflicha tahlil qilindi.

➡️Shuningdek, poliklinikada onalar va bolalar salomatligini muhofaza qilish, profilaktik tibbiy ko‘riklarni tashkil etish, surunkali kasalliklarning oldini olish, patronaj xizmatlari hamda aholi o‘rtasida sog‘lom turmush tarzini targ‘ib etish borasida amalga oshirilayotgan ishlar yuzasidan mas’ul xodimlarning axborotlari tinglandi.

➡️O‘rganish jarayonida aniqlangan ayrim kamchiliklarni bartaraf etish, tibbiy xizmatlar sifatini yanada yaxshilash, aholi murojaatlarini o‘z vaqtida ko‘rib chiqish hamda tibbiyot muassasasining faoliyatini takomillashtirish yuzasidan tegishli tavsiya va takliflar ishlab chiqildi.

➡️Mazkur o‘rganish natijalari Xalq deputatlari Nurobod tumani Kengashining navbatdagi sessiyasida tuman sog‘liqni saqlash bo‘limi boshlig‘i A.Abievning hisoboti muhokama qilinishi jarayonida inobatga olinadi.