Kadastr palatasi Termiz tuman filialida o‘rganish olib borildi

Xalq deputatlari Termiz tuman Kengashining 3-Nurafshon saylov okrugidan deputati K. Abdullayeva tomonidan Kadastr palatasi Termiz tuman filialida hamkorlikdagi ishlarni samarali tashkil etish hamda soha faoliyatini o‘rganish yuzasidan tashrif amalga oshirildi.

O‘rganish davomida filial tomonidan amalga oshirilayotgan ishlar, fuqarolarga ko‘rsatilayotgan xizmatlar sifati, murojaatlar bilan ishlash holati hamda sohada mavjud muammolar va ularning yechimlari muhokama qilindi.

Shuningdek, tashkilot faoliyati samaradorligini yanada oshirish, aholiga qulay va sifatli xizmatlar ko‘rsatishni takomillashtirish hamda qonunchilik hujjatlari ijrosini ta’minlash masalalariga alohida e’tibor qaratildi.

Hamkorlikdagi sa’y-harakatlar va joylardagi o‘rganishlar hududlarni rivojlantirish, aholining talab va ehtiyojlarini qondirish hamda davlat xizmatlari sifatini yaxshilashga xizmat qiladi.