Haftalik rejaga muvofiq, Xalq deputatlari Amudaryo tuman Kengashi raisi A.Yuldashev boshchiligida, Kengashning doimiy komissiyalari raislari hamda ular bilan bir qatorda Kotibiyat xodimlari ishtirokida navbatdagi yig‘ilishi bo‘lib o‘tdi.

Unda hafta davomida amalga oshirilgan ishlar atroflicha tahlil qilinib, mavjud natijalar sarhisob qilindi. Shuningdek, haftalik belgilab olingan ishlar ijrosi ta'minlanishiga alohida e'tibor qaratildi.

Yig‘ilish davomida deputatlar faoliyatini yanada jonlantirish, o‘zaro hamkorlikni kuchaytirish, hududni rivojlantirish hamda hududdagi muammolarni qayt etish daftari yuzasidan tushunchalar berildi va aholi muammolariga samarali yechimlar topish masalalariga alohida e’tibor qaratildi.