Xalq deputatlari Pastdarg‘om tuman Kengashi deputati F.Turayev tomonidan 116-ds-487-26-sonli deputat so‘rovi Pastdarg‘om tumani hokimi o‘rinbosari S.Hamrayevga yuborildi.
Mazkur deputat so‘rovi M. Ulug‘bek MFY “yettilik” a’zolari bilan o‘tkazilgan uchrashuv davomida aniqlangan masalalar asosida shakllantirilgan bo‘lib, mahalla hududida joylashgan kutubxona holatini o‘rganish natijalariga tayanadi.
O‘rganish jarayonida kutubxonaning stol va stul kabi zarur mebel jihozlariga hamda kitob fondini boyitishga ehtiyoji mavjudligi aniqlangan.
Shu asosda deputat so‘rovida quyidagi masalalarni ko‘rib chiqish so‘ralgan:
— M. Ulug‘bek MFY kutubxonasini zarur mebel jihozlari (stol, stul) bilan ta’minlash;
— Kutubxona fondini yangi kitoblar bilan boyitish choralarini ko‘rish.
Mazkur deputat so‘rovi yuzasidan amaldagi qonunchilikka muvofiq yozma javob taqdim etilishi so‘ralgan.