SESSIYADA TUMAN ADLIYA BO‘LIMINING 2026-YIL I YARIM YILLIK FAOLIYATI MUHOKAMA QILINDI

⚖️ Xalq deputatlari Pastdarg‘om tumani Kengashining 35-sessiyasida tuman adliya bo‘limi boshlig‘i Z. Safarovning 2026-yilning birinchi olti oyida amalga oshirilgan ishlar to‘g‘risidagi axboroti tinglandi.

🌐Axborotda aholining huquq va manfaatlarini himoya qilish, qonuniylikni ta’minlash, davlat xizmatlari sifatini oshirish hamda huquqiy targ‘ibot samaradorligini kuchaytirish borasida amalga oshirilgan ishlar va erishilgan natijalar bayon etildi.

📊 Hisobot davrining asosiy ko‘rsatkichlari:

💎 197 ta murojaat kelib tushgan, shundan 144 tasi qanoatlantirilgan, 41 tasi bo‘yicha huquqiy tushuntirish berilgan. Sayyor va shaxsiy qabullarda 141 ta murojaat qabul qilingan.

💎 21 ta o‘rganish va monitoring o‘tkazilib, 1 554 ta qonunbuzilishi holati aniqlangan.

🌐 Qonunbuzilishlarni bartaraf etish yuzasidan 55 ta taqdimnoma va 18 ta ma’muriy javobgarlikka tortish bo‘yicha taklif kiritilgan.
💎 109 mln so‘mdan ortiq mablag‘ qonuniy egalariga qaytarilgan. Sudlarga kiritilgan 473 mln so‘mlik da’vo arizalari to‘liq qanoatlantirilgan.

💎 Huquqiy targ‘ibot: aholining huquqiy savodxonligini oshirish maqsadida ommaviy axborot vositalari va joylarda targ‘ibot tadbirlari tashkil etilgan.

💎 Yuridik xizmat: davlat organlari va tashkilotlaridan kelib tushgan 38 441 ta hujjat huquqiy ekspertizadan o‘tkazish uchun ko‘rib chiqilgan. Qonunchilikka zid yoki kamchiliklari mavjud hujjatlarni qabul qilishning oldini olish choralari ko‘rilgan.

💎 Davlat xizmatlari: fuqarolar va yuridik shaxslarga 25 183 ta davlat xizmati ko‘rsatilgan.

🌐 Shuningdek, 5 352 ta xorijga chiqish biometrik pasporti rasmiylashtirilgan hamda 1 484 ta tadbirkorlik subyekti davlat ro‘yxatidan o‘tkazilgan.

💎 FHDYО sohasi: tuman FHDYO bo‘limlari tomonidan tug‘ilish, nikoh, nikohdan ajralish va o‘lim holatlarini davlat ro‘yxatidan o‘tkazish ishlari amalga oshirilgan.
🔎 Sessiyada ko‘tarilgan masalalarning ahamiyati — qonun ustuvorligini ta’minlash, fuqarolarning huquqiy muammolarini o‘z vaqtida hal etish, davlat xizmatlari ko‘rsatish sifatini oshirish va davlat organlari faoliyatida qonuniylikni mustahkamlashdan iborat.

📍 Mazkur axborot tuman adliya organlari faoliyatining natijalarini sarhisob qilish hamda kelgusida amalga oshirilishi lozim bo‘lgan vazifalarni belgilashda muhim ahamiyat kasb etadi. 🇺🇿Rasmiy sahifalarimiz! ✔️