Xalq deputatlari Bekobod tumani Kengashining navbatdagi sessiyasi kun tartibiga kiritilgan masalalarni chuqur o‘rganish maqsadida ishchi guruh tomonidan Qo‘rg‘on mahallasidagi 2-sonli davlat maktabgacha ta’lim tashkiloti faoliyati o‘rganildi.

Jarayonda Xalq deputatlari Bekobod tumani Kengashiga O‘zbekiston Liberal-demokratik partiyasidan saylangan deputat A.Xolmurzayev hamda Kengash kotibiyati mudiri Q.Bobojonov ishtirok etdi.

🔎 O‘rganish davomida maktabgacha ta’lim tashkilotidagi mavjud sharoitlar, jumladan, sport zallarining holatiga ham e’tibor qaratildi.

🏃‍♀️ Bolajonlarning sog‘lom va faol ulg‘ayishi uchun qulay sharoit yaratish maqsadida sport zallarini tartibga keltirish bo‘yicha tegishli tavsiyalar berildi.

Zero, zamonaviy va qulay sharoit — farzandlarimizning barkamol rivoji uchun muhim omildir! 🌱