Xalq deputatlari Qo‘qon shahar Kengashi deputati M.Aminova saylangan 13-“Misgarlik” saylov okrugi hududidagi “Misgarlik” mahalla fuqarolar yig‘inida Kengash Kotibiyati mudiri A.Nosirov tomonidan Ijtimoiy reyestrga kiritilgan aholi xonadonlarida o‘rganish ishlari olib borildi.

O‘rganishda Kengash Kotibiyati bosh mutaxassisi A.Adhamov hamda shahar Mahallalar uyushmasi vakili J.Isroilov ham ishtirok etib, oilalarning ijtimoiy sharoiti va mavjud ehtiyojlari bilan tanishdilar.

Jumladan, Baynalminal ko‘chasidagi 15-uyda istiqomat qiluvchi D.Abdullayeva xonadoniga tashrif buyurilib, oilaning yashash sharoiti hamda ijtimoiy qo‘llab-quvvatlashga bo‘lgan ehtiyojlari o‘rganildi.

️Ma’lum bo‘lishicha, mazkur oilaga “Saxovat va ko‘mak” jamg‘armasi tomonidan vaucher asosida oziq-ovqat va kiyim-kechak mahsulotlarini xarid qilish uchun moddiy ko‘mak ko‘rsatilgan.

Shuningdek, fuqaroning uy-joyini ta’mirlash masalasi ham ko‘rib chiqilib, ushbu maqsadda tegishli hujjatlar topshirilgani ma’lum bo‘ldi.

Xalq deputatlari Qo‘qon shahar Kengashi