Xalq deputatlari Bag‘dod tumani Kengashining “24-Irg‘oli” saylov okrugi deputati Y.Boyigitov hududidagi 29-umumiy o‘rta ta’lim maktabida Kengash Kotibiyati mudiri G‘.Abdullayev, Kotibiyat bosh mutaxassisi A. Ismoilov hamda Xalq demokratik partiyasi Bag‘dod tuman Kengashi raisi D.Xamraqulovlar tomonidan o‘quvchilarning jismoniy tarbiya va sport bilan shug‘ullanishi uchun yaratilgan shart-sharoitlar o‘rganildi.

🔎 O‘rganish davomida maktabda o‘quvchilarning futbol bilan shug‘ullanishi uchun maxsus futbol maydonchasi mavjud emasligi aniqlandi. Mazkur holat o‘quvchilarning sport mashg‘ulotlarini tashkil etish va bo‘sh vaqtlarini mazmunli o‘tkazish uchun qo‘shimcha sharoitlar yaratish zarurligini ko‘rsatdi.

✅ O‘rganish yakunida aniqlangan muammo deputatning “Muammolarni qayd etish” daftariga qayd etildi. Ushbu masalani tegishli tashkilotlar bilan hamkorlikda ko‘rib chiqish hamda futbol maydonchasini tashkil etish imkoniyatlarini o‘rganish yuzasidan amaliy choralar ko‘rish belgilandi.

⚡️ Muammoning ijobiy hal etilishi, o‘quvchilar uchun sport bilan shug‘ullanish imkoniyatlarini kengaytirish va amalga oshiriladigan ishlarning natijadorligi deputat nazoratiga olindi.