Hokim yordamchisi tomonidan aholini kambag‘allikdan chiqarish va bandligini ta’minlash borasida amalga oshirilgan ishlar o‘rganildi

❗️Xalq deputatlari O‘rta Chirchiq tumani Kengashi deputati B.Baxovadinov tomonidan Galabotir mahalla fuqarolar yig‘inida aholini kambag‘allikdan chiqarish, bandligini ta’minlash hamda tadbirkorlikni rivojlantirish borasida mahalla hokimi yordamchisi tomonidan amalga oshirilayotgan ishlar samaradorligi o‘rganildi.

🔰O‘rganish davomida mahallada aholi turmush farovonligini oshirish, ehtiyojmand oilalarni qo‘llab-quvvatlash, ishsiz fuqarolarni ish bilan ta’minlash hamda ularning daromad manbalarini kengaytirishga qaratilgan chora-tadbirlar yuzasidan ma’lumotlar ko‘rib chiqildi.

🔰Fuqarolarning tadbirkorlik faoliyatini yo‘lga qo‘yishi, o‘zini o‘zi band qilishi, mavjud imkoniyatlardan samarali foydalanishi va yangi daromad manbalarini yaratishi masalalariga alohida e’tibor qaratildi.

❗️Mazkur o‘rganishdan ko‘zlangan asosiy maqsad — mahallada kambag‘allikni qisqartirish, aholi bandligini oshirish, tadbirkorlik tashabbuslarini qo‘llab-quvvatlash va fuqarolarning munosib turmush kechirishi uchun mavjud imkoniyatlardan samarali foydalanilishini ta’minlashdan iborat.

✅Xalq deputatlari O‘rta Chirchiq tuman Kengashi kotibiyati axborot xizmati!