Xalq deputatlari Xorazm viloyati Kengashi deputati G. Matmuratova tomonidan Gurlan tumanida boshqaruv kompaniyalari faoliyati samaradorligini o‘rganish hamda ko‘p qavatli uy-joylarda yaratilgan sharoitlarni baholash maqsadida o‘rganish ishlari olib borildi.

 O‘rganish davomida ko‘p qavatli uylarning ichki yo‘laklari (pod’yezdlari), yerto‘lalari, uylar atrofidagi hududlarning tozaligi hamda yoritish tizimining holatiga e’tibor qaratildi. Shuningdek, boshqaruv kompaniyalari tomonidan aholiga ko‘rsatilayotgan xizmatlar samaradorligini baholash masalalari ko‘rib chiqildi.

 Ko‘p qavatli uylarda sanitariya holatini yaxshilash, umumiy foydalanish joylarini ozoda saqlash va hududlarni yetarli darajada yoritish aholi uchun qulay hamda xavfsiz yashash muhitini yaratishda muhim ahamiyatga ega.