Maktablarda ichimlik suvi ta’minoti va kuz-qish mavsumiga tayyorgarlik o‘rganildi

Oliy Majlis Senatining Mudofaa va xavfsizlik masalalari qo‘mitasi raisi o‘rinbosari, senator Abdullayev Bahrom Ismoilovich Pastdarg‘om tumanidagi 18-sonli umumta’lim maktabi hududi bilan tanishib, ta’lim muassasasida yaratilgan shart-sharoitlarni ko‘zdan kechirdi.

💧 O‘rganish davomida maktabning ichimlik suvi bilan ta’minlanganlik holati, suvdan foydalanish imkoniyatlari hamda o‘quvchilar va pedagoglar uchun sanitariya-gigiyena sharoitlari bilan qiziqildi.

❄️ Shuningdek, ta’lim muassasasining 2026–2027-yilgi kuz-qish mavsumiga tayyorgarligi, isitish tizimining holati, sinfxonalarda zarur haroratni ta’minlash, bino va muhandislik tarmoqlarining mavsumga tayyorligi masalalariga alohida e’tibor qaratildi.

💧 Maktabda o‘quvchilar uchun xavfsiz va qulay muhit yaratish, ichimlik suvi ta’minotidagi mavjud masalalarni o‘z vaqtida hal etish hamda sovuq kunlarda ta’lim jarayonining uzluksizligini ta’minlash muhimligi ta’kidlandi.

📍 O‘rganish yakunida aniqlangan masalalar yuzasidan tegishli mas’ullar bilan hamkorlikda zarur choralarni ko‘rish va mavjud kamchiliklarni bartaraf etish masalalariga e’tibor qaratildi.