Payariq tumani Choshtepa mahallasida amalga oshirilayotgan qurilish-bunyodkorlik ishlari hamda aholi badnligi masalalari o'rganildi

O‘zbekiston Respublikasi Oliy Majlisi Senatining Mudofaa va xavfsizlik masalalari qo‘mitasi raisi o‘rinbosari Abdullayev Baxrom Ismoilovich Payariq tumanidagi Choshtepa mahallasida mahalla yettiligi, oqsoqollar, mahalla faollari hamda fuqarolar bilan uchrashdi.

Uchrashuv davomida O‘zbekiston Respublikasi Prezidentining 2025-yil 8-oktabrdagi PQ–298-son qarori ijrosi doirasida “Yangi O‘zbekiston qiyofasidagi mahalla” maqomi uchun tanlab olingan Choshtepa mahallasida amalga oshirilayotgan qurilish-bunyodkorlik ishlarining borishi yuzasidan fikr almashildi.

Shuningdek, hududda amalga oshirilayotgan ishlar, mavjud muammolar va ularni bartaraf etish masalalari muhokama qilinib, aholi tomonidan bildirilgan murojaat va takliflar tinglandi.

Bildirilgan murojaat va takliflarni o‘rganish hamda tegishli mas’ullar bilan birgalikda ularning yechimi yuzasidan zarur choralarni ko‘rish bo‘yicha fikrlar bildirildi.