Bandixon tumanida deputatlik nazorati: Barqaror ish o‘rinlarini yaratish va aholi daromadlarini oshirish bo‘yicha Shtab faoliyati o‘rganildi

Bandixon tumanida aholi bandligini ta’minlash, yangi va barqaror ish o‘rinlarini barpo etish hamda fuqarolarning daromad darajasini yuksaltirish borasida tizimli deputatlik nazorati olib borilmoqda.

Xalq deputatlari Bandixon tumani Kengashi kotibiyati mudiri A.Pardayev tumanda barqaror ish o‘rinlarini yaratish va aholi daromadlarini oshirish bo‘yicha faoliyat yuritayotgan tuman Shtabida bo‘lib, o‘rganish ishlarini amalga oshirdi.

Monitoring jarayonida tumanda tadbirkorlikni rivojlantirish, mahallabay ishlash tizimi orqali ishsiz fuqarolarni band qilish, yangi ishlab chiqarish va xizmat ko‘rsatish ob’ektlarini ishga tushirish hamda belgilangan reja-topshiriqlarning bajarilishi atroflicha tahlil qilindi.

Tashrif yakunida Shtab faoliyati samaradorligini yanada yuksaltirish, mavjud imkoniyatlardan samarali foydalanish va aholi daromadlarini ko‘paytirish bo‘yicha mas’ullarga tegishli amaliy ko‘rsatmalar berildi.