Xalq deputatlari Uchquduq tuman Kengashining Korrupsiyaga qarshi kurashish va xavfsizlik masalalari bo‘yicha doimiy komissiyasi raisi B. Kuzenbayevga biriktirilgan “Jismoniy va yuridik shaxslarning murojaatlari to‘g‘risida”gi Qonun ijrosi Kotibiyat bosh mutaxassisi M.Muhammadiyev tomonidan Uchquduq tuman Xalq qabulxonasida deputatlik nazorati doirasida o‘rganildi.

O‘rganish davomida fuqarolar va yuridik shaxslarning murojaatlarini qabul qilish, ularni belgilangan tartibda ro‘yxatga olish, ko‘rib chiqish muddatlariga rioya etish, murojaatlar bo‘yicha ijro nazoratini tashkil etish hamda murojaat etuvchilarga berilayotgan javoblarning asoslantirilganligi holatlariga alohida e’tibor qaratildi.

Shuningdek, murojaatlarni ko‘rib chiqishda qonun talablariga rioya etilishi, aniqlangan muammo va kamchiliklarni bartaraf etish bo‘yicha amalga oshirilayotgan ishlar o‘rganildi.

📌 O‘rganish yakuni bo‘yicha aniqlangan holatlar yuzasidan tegishli taklif va tavsiyalar ishlab chiqildi.