🔽Mulk huquqi e’tirof etildi – fuqarolar uchun qonuniylik va xotirjamlik

Xalq deputatlari Buxoro viloyati Kengashining 2026-yil 28-sentabrdagi “O‘zboshimchalik bilan egallab olingan yer uchastkalari hamda ularda qurilgan binolar va inshootlarga bo‘lgan huquqlarni e’tirof etish to‘g‘risida”gi VII-34-86-2-0-K/26-sonli qarori fuqarolarning mulkiy huquqlarini qonuniy tartibda rasmiylashtirish yo‘lidagi muhim qadam bo‘ldi. Mazkur qaror viloyat Kengashining rasmiy hujjatlar portalida ham qayd etilgan.
🏦Qarorga muvofiq, Buxoro viloyatining tuman va shaharlarida yashovchi 3 010 nafar fuqaroning o‘zboshimchalik bilan egallab olingan yer uchastkalari hamda ularda qurilgan bino va inshootlarga bo‘lgan huquqlari qonuniy tartibda e’tirof etildi. Natijada viloyat bo‘yicha bunday tartibda huquqlari tan olingan fuqarolar soni 13 758 nafarga yetdi.
🏦Jondor tumanida 2 210 nafar fuqaroning huquqi e’tirof etildi
🏦Mazkur qaror Jondor tumani aholisi uchun ham alohida ahamiyatga ega. Xususan, tumanda 2 210 nafar fuqaroning o‘zboshimchalik bilan egallab olingan yer uchastkalari va ularda qurilgan bino-inshootlarga bo‘lgan mulk huquqlari qonuniy tartibda e’tirof etildi.
🏦Bu raqam ortida minglab xonadonlar, oilalar va yillar davomida foydalanib kelingan uy-joylarning huquqiy maqomini belgilash bilan bog‘liq masalalar turibdi.
🏦Mulk huquqining e’tirof etilishi fuqarolarga o‘z uy-joyi va yer uchastkasiga nisbatan huquqlarini qonuniy asosda mustahkamlash imkonini beradi. Eng muhimi, bu jarayon aholining mulkiy manfaatlarini huquqiy jihatdan himoya qilish, hujjatlarni tartibga keltirish hamda fuqarolarning o‘z mulkiga bo‘lgan ishonchini mustahkamlashga xizmat qiladi.

Jamol Ashurov ,
Xalq deputatlari Buxoro viloyati Kengashi raisi,

🇺🇿Xalq deputatlari Jondor tumani Kengashining ijtimoiy tarmoqlardagi sahifalarini kuzatib boring!👇👇👇
👉Telegram ▶️Youtube 📷Instagram 🗳Facebook🌐 Veb-sayt