#24_ta_masala
#Tashkilot_bilan_hamkorlik
#Haftalik_ish_reja_ijrosi
Kuz-qish mavsumiga tayyorgarlik jarayonlari o‘rganildi

Xalq deputatlari Sherobod tumani Kengashining 17-G‘ambur saylov okrugi deputati S. To‘rayeva hamda Kengash kotibiyati bosh mutaxassisi S. Safarov tomonidan deputatlik faoliyatining eng muhim 24 ta yo‘nalishi doirasida “Do‘stlik” mahallasi hududida joylashgan 33-son maktabgacha ta’lim muassasasida kuz-qish mavsumiga tayyorgarlik jarayonlari o‘rganildi.

🔎 O‘rganish davomida maktabgacha ta’lim muassasasining kuz-qish mavsumini betalafot o‘tkazishga tayyorgarlik holati, isitish tizimlarining sozligi, mavjud shart-sharoitlar hamda tarbiyalanuvchilar uchun yaratilgan qulayliklarga alohida e’tibor qaratildi.

🏫 Shuningdek, muassasada mavsum davomida bolalar uchun xavfsiz va qulay muhitni ta’minlash, mavjud kamchiliklarni bartaraf etish hamda zarur choralarni o‘z vaqtida ko‘rish masalalari yuzasidan mas’ullarga tegishli tavsiyalar berildi.

🤝 O‘rganish yakunlari bo‘yicha aniqlangan masalalarni bartaraf etish va kuz-qish mavsumini muassasada barqaror hamda xavfsiz o‘tkazish yuzasidan tegishli vazifalar belgilab olindi.

Xalq deputatlari Sherobod tumani Kengashi kotibiyati matbuot xizmati.
Bizni kuzatishda davom eting👇
Telegram | Facebook | E-Kengash | Instagram | YouTube