FUQAROLAR MUROJAATLARI JOYIDA O‘RGANILIB, AMALIY KO‘MAK KO‘RSATILMOQDA

Xalq deputatlari Termiz tuman Kengashi 8-Tajribakor saylov okrugi deputati, kotibiyat mudiri A. Avliyakulov tomonidan M. Eshtemirov MFY hududida fuqarolarni qiynayotgan muammolarni joyiga chiqqan holda o‘rganish ishlari olib borildi.

O‘rganish davomida fuqarolar bilan bevosita muloqot qilinib, ularning muammo va takliflari tinglandi. Jumladan, fuqarolardan birining kredit masalasidagi murojaati atroflicha o‘rganilib, masalani hal etish yuzasidan mahalladagi hokim yordamchisi bilan birgalikda tushuntirish va maslahat ishlari olib borildi.

Fuqaroga kredit olish shartlari, mavjud imkoniyatlardan foydalanish tartibi hamda murojaatni belgilangan tartibda hal etish bo‘yicha zarur tushuntirishlar berildi.

Deputat tomonidan har bir murojaatga manzilli va amaliy yondashish, fuqarolarning muammolarini tinglash hamda ularni tegishli mas’ullar bilan hamkorlikda hal etish masalalariga alohida e’tibor qaratilmoqda.

Fuqarolar murojaati — e’tiborda, muammolar yechimi — amalda!