Xabaringiz bor, kecha Oliy Majlis Senatida mahalliy Kengash deputatlarining saylov okruglaridagi faoliyatini kuchaytirish masalasi muhokama qilindi.
E’tiborli jihati, bu yerda gap shunchaki “aholi bilan uchrashish” haqida emas.
Yangi yondashuvda mantiqiy zanjir shunday ko‘rinmoqda:
MAHALLA → MUAMMONI ANIQLASH → KENGASH MUHOKAMASI → MAS’UL TASHKILOT → ANIQ CHORA → NATIJA → NAZORAT.
Mahallada hal etib bo‘lmaydigan masala esa yuqori darajaga — respublikaga olib chiqiladi.
Eng muhim o‘zgarish nimada?
Deputatning ishi muammoni eshitish bilan tugamasligi kerak. Muammo Kengashning nazorat predmetiga aylanishi lozim.
Buning uchun qonunchilikda deputat va Kengash qo‘lida ishlatish mumkin bo‘lgan nazorat mexanizmlari yetarli.
📌 Xulosa:
Kuchli deputat — ko‘p muammoni eshitgan yoki murojaatlarni ko‘p qabul qilgan deputat emas.
Muammolar yechimini nazorat tadbirlariga va Kengash qaroriga aylantira olgan deputat.