Oltinsoy tumanida aholi turmush farovonligini oshirish, mahallalar infratuzilmasini tubdan yaxshilash hamda Xalq deputatlari tuman Kengashi tomonidan qabul qilingan qarorlar ijrosini amalda ta’minlash borasida tizimli ishlar amalga oshirilmoqda.

Xususan, mazkur qarorlar ijrosining borishi, obodonlashtirish va bunyodkorlik loyihalarining sifat darajasini baholash maqsadida navbatdagi deputatlik nazorati tadbiri tashkil etildi.

O‘rganish jarayonida Xalq deputatlari Oltinsoy tuman Kengashining 12-“Bo‘ston” saylov okrugidan saylangan deputat, Kengash kotibiyati mudiri Musurmon Abduraxmonovich Xujanov, tuman Kengashi deputati Azamat Karamatovich Mamatmuratov hamda Kengash kotibiyati bosh mutaxassislari A.Esanov va I.Roziqovlar tumandagi “Chep” mahalla fuqarolar yig‘inida bo‘lishdi.

Tashrif davomida mas’ullar “Yangi O‘zbekiston qiyofasi” dasturi doirasida mahalla hududida olib borilayotgan keng ko‘lamli asfaltlash va yo‘l infrastrukturasini modernizatsiya qilish ishlarini bevosita joyida ko‘zdan kechirishdi. Deputatlar va kotibiyat xodimlari ish jarayonining texnik talablarga mosligi, ishlatilayotgan asfalt-beton qoplamasi va qurilish materiallarining sifati hamda belgilangan muddatlarga rioya etilayotganiga alohida e’tibor qaratdilar.

Shuningdek, o‘rganish davomida mahalla faollari va hudud aholisi bilan samimiy muloqot o‘tkazilib, ularning yo‘l qurilishi va boshqa maishiy masalalar bo‘yicha fikr-mulohazalari hamda takliflari tinglandi.

Tadbirkorlar va mas’ul pudratchi tashkilot vakillariga ishlarni sifatli, texnik standartlarga to‘liq javob beradigan tarzda yakunlash yuzasidan tegishli ko‘rsatma hamda tavsiyalar berildi. Hududlarda bu kabi deputatlik nazorati tadbirlari izchil davom ettiriladi.

✍️Oltinsoy tumani Kengash Kotibiyati Axborot xizmati

📱Telegram|📱Facebook|📱Instagram 🌐E-kengash|📱YouTube🌎oltinsoy.uz