#kunlik_ish_reja_ijrosi
#doimiy_komissiya_faoliyati
#kotibiyat_xodimi_faoliyati
#nazorat_tahlil #deputat_faoliyati

Kambag‘allikni qisqartirish va aholi daromadlarini oshirish bo‘yicha ishlar o‘rganildi

Xalq deputatlari tuman Kengashining Mahalliy budjet, tadbirkorlikni rivojlantirish va iqtisodiy islohotlar bo‘yicha doimiy komissiyasi raisi o‘rinbosari N. Alimov, komissiya a’zosi E. Hamroyev hamda tuman Kengashi kotibiyati bosh mutaxassisi A. Mamarajabov tomonidan Prezident Shavkat Mirziyoyev raisligida joriy yilning 3-sentabr kuni kambag‘allikni qisqartirish va aholi daromadlarini oshirish bo‘yicha ishlarni yangi bosqichga olib chiqish masalalariga bag‘ishlab o‘tkazilgan yig‘ilishda belgilangan ustuvor vazifalar ijrosi yuzasidan tumanda barqaror ish o‘rinlarini yaratish va aholi daromadlarini oshirish bo‘yicha tuman hokimligida tashkil etilgan shtab faoliyati o‘rganildi.

O‘rganish davomida shtab tomonidan tumanda barqaror ish o‘rinlarini yaratish, aholi bandligini ta’minlash, daromad manbalarini ko‘paytirish hamda mavjud imkoniyatlardan samarali foydalanish borasida amalga oshirilayotgan ishlar tahlil qilindi.

Shuningdek, yangi ish o‘rinlarini yaratish imkoniyatlari, ish izlayotgan fuqarolarni bandlikka jalb etish, aholi daromadlarini oshirishga qaratilgan loyihalarni qo‘llab-quvvatlash hamda belgilangan vazifalar ijrosini ta’minlash masalalariga e’tibor qaratildi.

O‘rganish yakunlari bo‘yicha shtab faoliyati samaradorligini oshirish, mavjud imkoniyatlardan to‘liq foydalanish, yangi barqaror ish o‘rinlarini yaratish va aholi daromadlarini ko‘paytirish yuzasidan tegishli tavsiya va takliflar bildirildi.

Qiziriq tumani Kengashi Axborot xizmati 
Rasmiy sahifalarimiz👇
Telegram | Facebook | E-kengash |Instagram