Xalq deputatlari Termiz shahar Kengashi raisi, 9-“Abdulla Avloniy” saylov okrugi deputati D.Normuradova hamda Kengash Kotibiyati bosh mutaxassisi A.Temirov tomonidan “Abdulla Avloniy” mahallasida navbatdagi nazorat-tahlil tadbiri o‘tkazildi.

Mazkur tadbir mahalliy Kengash deputatlari faoliyatining ustuvor yo‘nalishlarini belgilovchi “24 ta eng muhim yo‘nalish” mezonlarining 10-bandi — aholi iste’moli uchun eng zarur mahsulotlar narx-navosi, ularning mavjudligi va yetarliligini o‘rganish yo‘nalishi asosida tashkil etildi.

Nazorat-tahlil jarayonida mahalla hududidagi savdo nuqtalarida aholining kundalik ehtiyoji uchun zarur bo‘lgan oziq-ovqat va boshqa iste’mol mahsulotlarining mavjudligi, narx-navosi hamda aholining talab va ehtiyojlariga mos ravishda ta’minlanganlik holatiga alohida e’tibor qaratildi.

Shuningdek, savdo nuqtalaridagi mahsulotlar assortimenti, xaridorlar uchun zarur tovarlarning yetarliligi, narxlarning shakllanishi va aholiga qulay sharoit yaratish masalalari yuzasidan tegishli holatlar tahlil qilindi.

Tadbir davomida savdo faoliyati bilan shug‘ullanuvchi tadbirkorlar va mas’ullar bilan muloqot qilinib, aholini kundalik ehtiyoj uchun zarur mahsulotlar bilan uzluksiz ta’minlash, narxlar barqarorligini saqlash va iste’molchilar manfaatlarini himoya qilish bo‘yicha masalalarga e’tibor qaratildi.

“24 ta eng muhim yo‘nalish” doirasidagi bunday nazorat-tahlil tadbirlari mahallalardagi mavjud holatni bevosita joyiga chiqqan holda o‘rganish, aholi ehtiyojlarini aniqlash hamda aniqlangan masalalarni tegishli tashkilotlar bilan hamkorlikda hal etishga xizmat qiladi.

Aholining kundalik hayotiga daxldor masalalarni joyiga chiqib o‘rganish va ularning yechimini ta’minlash — deputatlik nazoratining muhim yo‘nalishlaridan biridir.

Xalq deputatlari Termiz shahar Kengashi — aholi manfaatlari yo‘lida!