Xalq deputatlari Olmaliq shahar Kengash kotibiyati mudiri Sevar Qodirovaning kunlik rejasiga asosan shahar hokimining birinchi oʻrinbosari Shermuhammad Begiyev bilan hamkorlikda shahrimizdagi "Boʻston" mahallasi hududida joylashgan qurilish mahsulotlari ishlab chiqarish korxonasi faoliyati joyida oʻrganildi.

Oʻrganish davomida asosiy eʼtibor quyidagi muhim masalalarga qaratildi:
Mehnat sharoitlari: Ishchi-xodimlarga yaratilgan qulayliklar, xavfsizlik texnikasi talablariga rioya etilishi va ijtimoiy imkoniyatlar;
Mahsulot sifati va raqobatbardoshligi: Korxonada ishlab chiqarilayotgan qurilish mahsulotlarining sifati, ularning standartlarga mosligi va ichki bozordagi oʻrni;
Ishlab chiqarish quvvati: Korxonaning mavjud imkoniyatlaridan unumli foydalanish va faoliyat koʻlamini kengaytirish ko'zdan kechirildi.

Tashrif yakunida aniqlanganmuammo va  kamchiliklar deputatning ko'chama-ko'cha aylanish jurnaliga qayd qilinib ijro nazoratiga olindi hamda korxona mutassaddilariga ishlab chiqarish hajmini oshirish, yangi ish oʻrinlarini yaratish hamda mahsulot sifatini yanada yaxshilash boʻyicha amaliy va manzilli tavsiyalar berildi.

Mahalliy ishlab chiqarishni qoʻllab-quvvatlash va hududlar drayverlarini rivojlantirish borasidagi amaliy ishlar davom ettiriladi.