Olmaliq shahrida joylashgan, aholi va bolajonlarning sevimli hordiq chiqarish maskanlaridan biri bo‘lmish "Bolajon" hiyoboni bugungi kundagi holati hamda ko‘rsatilayotgan xizmatlar sifati bo‘yicha ko‘rikdan o‘tkazildi.
Mazkur o'rganish deputat Muhiddin Abdullayev boshchiligida tashkil etildi.

O‘rganish davomida asosiy e'tibor qaratilgan yo‘nalishlar:
♻️Hiyobondagi har bir attraksionning ishchi holati, texnik xavfsizlik qoidalariga javob berishi hamda bolalar uchun xavfsiz foydalanish darajasi ko‘zdan kechirildi.
♻️Hududdagi tozalik va intizom, yashil hududlarning parvarishlanishi, ya'ni daraxt va gulzorlarning sug‘orilish va parvarish holati baholandi.
♻️Maskan bo‘ylab o‘rindiqlar, yoritish tizimining ishlashi hamda tashrif buyuruvchilar uchun yaratilgan boshqa qulayliklar atroflicha ko‘rib chiqildi.

O‘rganishlar yakunida aniqlangan ba'zi kamchiliklarni bartaraf etish, xizmat ko‘rsatish sifatini yanada oshirish hamda hiyobon hududini doimiy ozoda tutish bo‘yicha mas'ullarga tegishli tavsiya va ko‘rsatmalar berildi.