Xalq deputatlari Shirin shahar Kengashi sessiyasida ko‘rib chiqilishi rejalashtirilgan masala yuzasidan Shirin shahar suv ta’minoti bo‘limida sessiya oldi o‘rganish ishlari olib borildi.

O‘rganish davomida O‘zbekiston Respublikasi Prezidentining PF-71-son Farmoni hamda Korrupsiyaga qarshi kurashish bo‘yicha Milliy kengashning 2025-yil 5-martdagi kengaytirilgan yig‘ilishida belgilangan topshiriqlar ijrosi tahlil qilindi.

Suv ta’minoti tizimida korrupsiyaning oldini olish, xodimlarning huquqiy savodxonligini oshirish, manfaatlar to‘qnashuviga yo‘l qo‘ymaslik, xizmatlarni ochiq va shaffof ko‘rsatish hamda inson omilini kamaytirish maqsadida xizmatlarni raqamlashtirish bo‘yicha amalga oshirilayotgan ishlar o‘rganildi.

Shuningdek, korrupsiyaga qarshi ichki nazorat (komplayens) faoliyati, xizmat tekshiruvlari, fuqarolar murojaatlarini ko‘rib chiqish va korrupsiyaviy holatlar haqida xabar berish imkoniyatlari ko‘rib chiqildi.

O‘rganish davomida joriy yilning o‘tgan davrida suv ta’minoti bo‘limi xodimlari tomonidan korrupsiyaviy xatti-harakatlar sodir etilmagani ma’lum qilindi.

Kelgusida korrupsiyaga nisbatan murosasiz muhitni shakllantirish, shaffoflikni yanada kuchaytirish va profilaktik ishlarni izchil davom ettirish bo‘yicha vazifalar belgilandi.