ISTIQBOL MAHALLASIDA DEPUTATLIK NAZORAT-TAHLIL TADBIRI O‘TKAZILDI

Xalq deputatlari Sherobod tuman Kengashiga 20-Mehrabod saylov okrugidan saylangan deputat Qodirov Jamshid Hazratqulovichning saylov okrugiga qarashli Sherobod tumanining “Istiqbol” mahallasida deputatlik nazorat-tahlil tadbiri o‘tkazildi.

O‘rganish jarayonida Xalq deputatlari Sherobod tumani Kengashi kotibiyati bosh mutaxassisi S. Safarov, shuningdek, mahalla yettiligi mas’ullari ishtirok etdi.

Tadbir davomida mahalla mas’ullari va aholi bilan hududdagi mavjud muammolar muhokama qilindi. Xususan, maishiy gaz ballonlarining o‘z vaqtida yetkazib berilmasligi hamda elektr energiyasi ta’minotidagi muammolar yuzasidan murojaatlar bildirildi.

Mazkur masalalar yuzasidan deputat J. Qodirov tomonidan shu kunning o‘zida tegishli tashkilotlarga deputatlik so‘rovlari yuborildi.

Shuningdek, Xalq deputatlari viloyat Kengashi sessiyasi oldidan kun tartibiga kiritilishi rejalashtirilayotgan masalalar yuzasidan mahalla aholisi va mas’ullarning takliflari ham o‘rganildi.

Aniqlangan muammolarni bartaraf etish va aholi murojaatlarini ijobiy hal qilish masalalari deputatlik nazoratiga olindi.

Xalq deputatlari Sherobod tumani Kengashi kotibiyati matbuot xizmati.