Xalq deputatlari Shirin shahar Kengashi deputatlari M. Salimova va D. Azizbayevlar tomonidan Yoshlar ishlari agentligi faoliyati o‘rganildi. O‘rganish davomida shahardagi yoshlar bilan ishlash, ularning muammolarini aniqlash va bandligini ta’minlash, yoshlarni kasb-hunarga o‘qitish hamda bo‘sh vaqtlarini mazmunli tashkil etish borasida amalga oshirilayotgan ishlar tahlil qilindi.

Shuningdek, yoshlar bilan ishlash samaradorligi, ijtimoiy himoyaga muhtoj yoshlarni qo‘llab-quvvatlash, yoshlarning tashabbus va loyihalarini rag‘batlantirish masalalariga alohida e’tibor qaratildi.

O‘rganish yakunida aniqlangan kamchiliklarni bartaraf etish, yoshlar bilan ishlash tizimini yanada takomillashtirish hamda ularning murojaat va takliflarini o‘z vaqtida ko‘rib chiqish yuzasidan tegishli tavsiya va takliflar bildirildi.