Xalq deputatlari Tuproqqal’a tuman Kengashining Ijtimoiy soha, yoshlar siyosati, madaniyat va sport
masalalari bo‘yicha doimiy komissiyasi raisi Azizbek Ahmedov boshchiligida tuman aholisiga
ko‘rsatilayotgan tibbiy xizmatlar sifati, 2026-yil I yarim yilligida amalga
oshirilgan ishlar hamda sohadagi dolzarb masalalar yuzasidan doimiy komissiya qarori qabul qilindi. 

  🩺 Qaror bilan tuman tibbiyot birlashmasi
boshlig‘i A.A.Duschanovning
hisoboti ma’lumot uchun qabul qilinib, skrining va profilaktik ko‘riklar
qamrovini kengaytirish, dispanser nazoratidagi bemorlarni sog‘lomlashtirish
samaradorligini oshirish, bepul tibbiy xizmatlar va dori vositalari bilan
ta’minlash, tibbiyot muassasalarini raqamlashtirish hamda zamonaviy tibbiy
jihozlardan samarali foydalanish bo‘yicha aniq vazifalar belgilandi. 

  ✅ Shuningdek, tibbiyot
muassasalarini malakali mutaxassislar bilan ta’minlash, sog‘lom turmush tarzini
keng targ‘ib qilish, tibbiy xizmatlar sifatini yanada yaxshilash hamda
belgilangan vazifalar ijrosi yuzasidan hisobotni navbatdagi sessiyaga kiritish
bo‘yicha mas’ullarga tegishli topshiriqlar yuklatildi.