#162_Qonun

Xalq deputatlari Payariq tumani Kengashi deputati, Agrar, qurilish, kommunal sohalar, ekologiya, sanoat va transport masalalari bo‘yicha doimiy komissiya raisi o‘rinbosari Z.Turdiyev hamda tuman Kengashi kotibiyati mudiri J.Axunov tomonidan hududda suyultirilgan gaz ballonlarining texnik holati deputatlik nazorati tartibida o‘rganildi.

O‘rganish "Yong‘in xavfsizligi to‘g‘risida"gi O‘zbekiston Respublikasi Qonuni talablaridan kelib chiqib tashkil etilib, gaz ballonlaridan foydalanishda yong‘in xavfsizligi qoidalariga rioya etilishi, ularning texnik holati hamda foydalanish uchun yaroqliligi yuzasidan nazorat amalga oshirildi.

Shuningdek, mas’ul mutaxassislar bilan gaz ballonlarini texnik ko‘rikdan o‘tkazish, xavfsizlik talablariga qat’iy rioya etish hamda aholiga xavfsiz va sifatli gaz ta’minoti xizmatlarini ko‘rsatish masalalari muhokama qilindi.

🔰Bizni ijtimoiy tarmoqlarda kuzating:
Telegram | Veb-Sayt| Facebook|instagram |You tube|