Xalq deputatlari Bag‘dod tumani Kengashining "22-Bag‘dod" saylov okrugi deputati O.Maxmudov, Kengash kotibiyati mudiri G‘.Abdullayev hamda Xalq demokratik partiyasi Bag‘dod tuman Kengashi raisi D.Xamraqulov tomonidan "Bag‘dod" mahalla fuqarolar yig‘inida amalga oshirilayotgan infratuzilmaviy loyihalar bilan tanishildi.

🔎 O‘rganish davomida mahallada aholini sifatli ichimlik suvi bilan ta’minlash, elektr energiyasi ta’minoti barqarorligini oshirish hamda ichki yo‘llarni yaxshilashga qaratilgan loyihalarning amalga oshirilish loyihalari ko‘zdan kechirildi. Mazkur loyihalarning bajarilish bosqichlari, aholining ehtiyojlari hamda mavjud muammolar yuzasidan mas'ullar bilan fikr almashildi.

🚧 Shuningdek, infratuzilmaviy obyektlarda olib borilayotgan qurilish va ta'mirlash ishlari, ularning sifati hamda belgilangan muddatlarda yakunlanishini ta'minlash masalalariga alohida e'tibor qaratildi.

Shu bilan birga tuman hokimi M.Isaqovning ko‘magida mahallada barpo etilayotgan zamonaviy bolalar o‘yingohining qurilish jarayoni ham ko‘zdan kechirildi. O‘yingohda bolalarning mazmunli hordiq chiqarishi, jismoniy faolligini oshirish hamda xavfsiz dam olishi uchun yaratilayotgan sharoitlar bilan tanishildi.