Samimiy kechgan ushbu qabul davomida har bir fuqaroning muammosiga alohida, manzilli e’tibor qaratildi.

💬Muloqot davomida fuqarolar tomonidan mahallani har tomonlama rivojlantirish hamda ijtimoiy ko‘mak ko‘rsatish yuzasidan quyidagi dolzarb murojaatlar kelib tushdi:

🟢Ichki yo‘llarni ta’mirlash: Mahallani obod qilish, aholi va transport vositalarining harakatlanishiga qulaylik yaratish maqsadida ichki yo‘llarga qum-shag‘al yotqizish va asfaltlash ishlari;

🟢Tungi yoritish tizimi: Mahalla ko‘chalarining tungi xavfsizligini ta’minlash va aholi uchun qulay infratuzilma yaratish maqsadida tungi yoritish chiroqlarini o‘rnatish;

🟢Uy-joylarni ta’mirlash: Ijtimoiy himoyaga muhtoj, kam ta’minlangan xonadonlarning yashash sharoitlarini yaxshilash maqsadida uy-joylarini ta’mirlashda amaliy yordam berish;

🟢Sog‘liqni tiklash uchun moddiy yordam: Surunkali kasalligi bor, davolanish va tibbiy muolajalarga muhtoj bo‘lgan bir guruh fuqarolarga sog‘lig‘ini tiklashlari uchun moddiy yordam ajratish masalalari.

🫥Taqdim etilgan har bir murojaat diqqat bilan o‘rganilib, deputat F.Homidovning “murojaat daftari”ga batafsil rasmiylashtirildi.

📄Ushbu masalalarni, xususan, yo‘l, yoritish chiroqlari va uy-joy muammolarini qisqa muddatlarda tizimli hal etish maqsadida, daxldor mutasaddi tashkilotlar hamda shahar hokimligining tegishli bo‘limlariga rasmiy deputatlik so‘rovlari yuborilishi belgilab olindi.

💬"Deputatning xalq oldidagi eng katta hisoboti — bu quruq ma’ruzalar emas, balki odamlarimizni qiynayotgan mana shunday hayotiy va ijtimoiy muammolarga real amaliy yechim topib berishidir. Har bir ko‘tarilgan masala qat’iy nazoratimiz ostida bo‘ladi," — deya ta'kidlashdi xalq vakillari.