Deputat Shımbay rayonındaǵı mayıplıǵı bolǵan er adamlar ushın "Múriwbet" úyindegi qurılıs-ońlaw jumısları menen tanıstı

Xalıq deputatları Shımbay rayonlıq Keńesi sekretariat baslıǵı M.Zarikeev hám sekretariat bas qánigesi N.Berdimuratov Shımbay rayonında jaylasqan mayıplıǵı bolǵan er adamlar ushın "Múriwbet" úyinde bolıp, mákemede ámelge asırılıp atırǵan qurılıs hám ońlaw jumıslarınıń barısı menen tanıstı.

Úyreniw dawamında imarattıń ishki hám sırtqı ońlaw jumısları, jasaw xanaların zamanagóy talaplar tiykarında úskenelew, injenerlik-kommunikaciya tarmaqların jańalaw hám aymaqtı abadanlastırıw jumısları kózden ótkerildi.
Deputat mákeme juwapkerleri hám jumıstı bólip alıp islewshi shólkem wákilleri menen sóylesip, qurılıs-ońlaw jumısların belgilengen múddetlerde hám sapalı juwmaqlaw, mákemede jasap atırǵan puqaralar ushın qolaylı, qáwipsiz hám múnásip sharayatlar jaratıw máseleleri boyınsha óz usınısların bildirdi.

Atap ótilgenindey, sociallıq qorǵaw mákemelerinde ámelge asırılıp atırǵan qurılıs hám ońlaw jumısları ústinen deputatlıq qadaǵalawdı támiyinlew, xalıqqa kórsetilip atırǵan sociallıq xızmetlerdiń sapasın bunnan bılay da arttırıwǵa xızmet etedi.