Muhandislik-kommunikatsiya xizmatlari sifati deputatlik nazorati doirasida o‘rganildi

📂 Xalq deputatlari Uchtepa tumani Kengashi deputatlarining 24 talik tavsiyalari ijrosi doirasida "1-Degrez" okrugi deputati Begjanov Ulug'bek Utkurovichning okrugidagi Shofayzbog‘i mahallasida aholini muhandislik-kommunikatsiya xizmatlari bilan ta'minlash holati joyiga chiqqan holda o‘rganildi.

🇺🇿 Unda O‘zbekiston "Adolat" SDPdan saylangan "5-O‘tkir" okrugi deputati Ibrohimjon Abdullayev, xalq deputatlari Uchtepa tumani Kengashi kotibiyati mudiri Anvar Usmanov hamda bosh mutaxassis Umidbek Abilovlar ishtirok etdi.

📊 O‘rganish davomida aholini issiq va sovuq suv, elektr energiyasi hamda tabiiy gaz bilan ta'minlash holati, mavjud muammolar va fuqarolar tomonidan bildirilgan murojaatlar ijrosi tahlil qilindi.

🗂 Xususan, O‘zbekiston Respublikasi Prezidentining 2023-yil 13-fevraldagi PQ-54-son hamda Vazirlar Mahkamasining 2024-yil 31-maydagi 319-son qarorlari ijrosi doirasida Uchtepa tumani elektr tarmoqlari korxonasi tomonidan Shofayzbog‘ mahallasining 8-Tor Degrez ko‘chasida fuqarolar murojaatlari asosida 630 kVA quvvatli yangi transformator (elektr taqsimlash moslamasi) o‘rnatilgani bilan tanishildi. Ta'kidlanganidek, mazkur loyiha hududdagi elektr ta'minoti barqarorligini oshirish, kuchlanish pasayishining oldini olish va iste'molchilarga sifatli xizmat ko‘rsatishga xizmat qilmoqda.

📝 Shuningdek, hududdagi ichimlik suvi, issiq suv va tabiiy gaz ta'minoti holati ham ko‘zdan kechirilib, aholini uzluksiz va sifatli kommunal xizmatlar bilan ta'minlash, mavjud kamchiliklarni bartaraf etish hamda fuqarolar murojaatlariga tezkor munosabat bildirish yuzasidan mas'ul tashkilotlarga tegishli tavsiyalar berildi.

✅ O‘rganish yakunida deputatlik nazorati doirasida muhandislik-kommunikatsiya infratuzilmasini yanada yaxshilash, aholini sifatli kommunal xizmatlar bilan ta'minlash va murojaatlarda ko‘tarilgan masalalarni o‘z vaqtida hal etish bo‘yicha vazifalar belgilab olindi.