Shu maqsadda Xalq deputatlari Termiz shahar Kengashi raisi D.Normuradova, Kengash kotibiyati mudiri A.Ashurov hamda Kengash kotibiyati bosh mutaxassisi A.Temirov shahardagi "Farhod" mahallasida bo‘lib, mahalla faollarining bugungi kundagi faoliyatini joyiga chiqib o‘rgandilar.

O‘rganish davomida mahalla raisi, xotin-qizlar faoli va profilaktika inspektori tomonidan aholi bilan ishlash, murojaatlarni hal etish, ijtimoiy himoyaga muhtoj oilalarni qo‘llab-quvvatlash, huquqbuzarliklarning oldini olish hamda mahallada amalga oshirilayotgan islohotlar yuzasidan olib borilayotgan ishlar muhokama qilindi.

Shuningdek, mahallada "mahallabay" ishlash tizimi, kambag‘allikni qisqartirish, fuqarolar yig‘ini faoliyatining samaradorligi hamda davlat organlari bilan hamkorlik masalalari atroflicha tahlil qilindi.

Muloqot jarayonida hududda mavjud muammo va ehtiyojlar yuzasidan mas’ullarning hisobotlari tinglanib, ularni bartaraf etish bo‘yicha taklif va tavsiyalar ishlab chiqildi.

O‘rganish natijalari Xalq deputatlari Termiz shahar Kengashining navbatdagi sessiyasi kun tartibiga kiritiladigan masalalarni shakllantirish, tegishli tashkilotlar rahbarlarining hisobotlarini muhokama qilish hamda qabul qilinadigan qarorlarda o‘z aksini topadi.

Xalq deputatlari Termiz shahar Kengashi tomonidan mahallalarda olib borilayotgan bunday amaliy o‘rganishlar davlat organlari va mahalla institutlari hamkorligini yanada mustahkamlash, aholini qiynayotgan muammolarni joyida aniqlash va ularning samarali yechimini ta’minlashga xizmat qilmoqda.