IJTIMOIY HIMOYAGA MUHTOJ OILALARNI QO‘LLAB-QUVVATLASH ISHLARI O‘RGANILDI

Mamlakatimizda aholining ijtimoiy himoyaga muhtoj qatlamlarini
qo‘llab-quvvatlash, ularning munosib turmush kechirishi uchun zarur
shart-sharoitlar yaratishga alohida e’tibor qaratilmoqda.

Shu munosabat bilan xalq deputatlari Quva tuman Kengashi kotibiyati mudiri
R.Nodirov hamda kotibiyat bosh mutaxassisi A.Fozilovlar tomonidan O‘zbekiston
Respublikasi Prezidentining 2026-yil 5-fevraldagi PQ–49-son qarori ijrosi
doirasida M.Xasanov mahalla fuqarolar yig‘inida amalga oshirilayotgan ishlar
o‘rganildi.

O‘rganish davomida “Ijtimoiy himoya yagona reestri”ga kiritilgan hamda
tarkibida I guruh nogironligi bo‘lgan fuqaro istiqomat qilayotgan xonadonda
olib borilayotgan ta’mirlash ishlari bilan tanishildi. Xonadonning yashash
sharoitlarini yaxshilash maqsadida tashkil etilgan qurilish-ta’mirlash ishlari
“FOUR PILLARS” MCHJ tomonidan amalga oshirilmoqda.
Shuningdek, bajarilayotgan ishlar sifati, qurilish materiallarining holati
va ishlarning belgilangan reja asosida olib borilishi ko‘zdan kechirildi. Mas’ullarga qurilish-ta’mirlash
ishlarini o‘z vaqtida, sifatli va belgilangan me’yorlar asosida yakunlash
yuzasidan tegishli tavsiyalar berildi.

Xonadon a’zolari bilan bo‘lib o‘tgan suhbatda ular yaratilayotgan sharoitlar va
ko‘rsatilayotgan amaliy yordam uchun samimiy minnatdorlik bildirdilar.

Aniqlangan kamchiliklar esa deputat tomonidan “Deputatning ko‘cha aylanish
daftari”ga qayd etildi va bartaraf etish masalalari nazoratga olindi.