Fuqarolar murojaatlari e’tibor markazida

Xalq deputatlari Termiz tuman Kengashi kotibiyati mudiri A.Avliyakulov, tuman Kengashi deputati O‘.Omonov hamda tuman Kengashi mutaxassisi T.Murodov bilan birgalikda Yangiobod MFY hududida uyma-uy yurib, fuqarolar bilan uchrashuvlar o‘tkazdi.

Muloqotlar davomida aholini qiynab kelayotgan masalalar, taklif va murojaatlar tinglanib, ularning yechimi yuzasidan tegishli tavsiyalar berildi. Ayrim masalalar joyida hal etilgan bo‘lsa, qo‘shimcha o‘rganishni talab etuvchi murojaatlar nazoratga olindi.

Bunday ochiq muloqotlar fuqarolarning muammolarini bevosita o‘rganish, ularning fikr va takliflarini eshitish hamda hududlarni yanada rivojlantirishga xizmat qilmoqda.

Xalq bilan muloqot – muammolar yechimining eng samarali yo‘li