Qiziltepa MFY Obod diyor ko‘chasida ichimlik suvi infratuzilmasi o‘rganildi

 

Xalq deputatlari Oltiariq tuman Kengashi deputati A. Nabiyev, tuman Kengashi kotibiyati mudiri A. Yursunov hamda bosh mutaxassis A. Turgʻunovlar ishtirokida 23-Azimobod saylov okrugi Qiziltepa MFY Obod diyor
ko‘chasida ichimlik suvi infratuzilmasi joyiga chiqib o‘rganildi. O‘rganish davomida hududdagi ichimlik suvi tarmoqlarining holati, aholini sifatli va uzluksiz ichimlik suvi bilan ta’minlash darajasi ko‘zdan kechirildi. Aniqlanishicha, mazkur ko‘chada istiqomat qiluvchi aholi markazlashgan ichimlik suvi tarmog‘i
orqali barqaror ta’minlanib kelmoqda. Fuqarolar bilan o‘tkazilgan muloqotda ichimlik suvi ta’minoti yuzasidan murojaat va e’tirozlar bildirilmadi. Mavjud tizimning uzluksiz ishlashini ta’minlash, tarmoqlarni doimiy nazorat qilish hamda sifatli ichimlik suvi ta’minotini saqlab qolish bo‘yicha mas’ul tashkilotlarga tegishli tavsiyalar berildi.