👩‍⚕️ Deputat va shifokor: G.Keldibekova aholi salomatligi muhofazasida
Xalq deputatlari tuman Kengashi deputati hamda Oila shifokorlik punkti (OSHP) mudirasi G.Keldibekova o‘z faoliyati davomida nafaqat xalq vakili sifatida, balki fidoyi shifokor o‘laroq ham aholiga sifatli tibbiy xizmat ko‘rsatib kelmoqda.

G.Keldibekova o‘ziga biriktirilgan hududda aholi salomatligini mustahkamlash, kasalliklarni barvaqt aniqlash va tibbiy madaniyatni yuksaltirishga alohida e’tibor qaratib kelmoqda. Uning rahbarligidagi tibbiy muassasada fuqarolarga birlamchi tibbiy-sanitariya yordamini ko‘rsatish, profilaktik ko‘riklarni yuqori saviyada tashkil etish tizimli ravishda yo‘lga qo‘yilgan.

Shu bilan birga, deputatlik faoliyati doirasida ham saylovchilarning ijtimoiy va tibbiy muammolarini hal etish, hududdagi tibbiyot maskanlarining shart-sharoitlarini yaxshilash borasida faol tashabbus ko‘rsatib kelmoqda.