Xalq deputatlari Paxtakor tumani Kengashi deputati D. Do‘squlova Nurli Pangat mahallasida bo‘lib, hokim yordamchisi tomonidan aholi bandligini ta’minlash, daromad manbalarini kengaytirish hamda kambag‘allikni qisqartirish yo‘nalishida amalga oshirilayotgan ishlar bilan yaqindan tanishdi.

O‘rganish davomida fuqarolarni tadbirkorlikka jalb etish, o‘zini o‘zi band qilish, imtiyozli kredit va subsidiya dasturlaridan foydalanish holatlari hamda ehtiyojmand oilalarni qo‘llab-quvvatlash bo‘yicha olib borilayotgan ishlar ko‘zdan kechirildi.

Shuningdek, mahalla faollari va mas’ullar bilan muloqot o‘tkazilib, mavjud muammolar, ularni bartaraf etish choralari hamda aholi turmush darajasini yaxshilashga qaratilgan takliflar muhokama qilindi va samaradorlikni yanada oshirish yuzasidan tegishli tavsiyalar berildi.