🏛 Xalq deputatlari Shovot tumani Kengashi kotibiyat mudiri I. Masharipov, tuman Kengashi deputati M. Kariyev hamda O‘zbekiston Ekologik partiyasi Shovot tumani Kengashining jamoatchilik ishlari bo‘yicha raisi R. Tillayev bilan birgalikda tumanda amalga oshirilayotgan ijtimoiy-iqtisodiy rivojlantirish dasturlari ijrosini o‘rgandilar.
📌 O‘zbekiston Respublikasi Prezidentining 2024-yil 20-dekabrdagi PF–223-sonli Farmoni bilan belgilangan vazifalar ijrosini ta’minlash, hududlarda yuqori iqtisodiy o‘sish va aholi bandligini ta’minlashning yangi tizimini joriy etish hamda mahalliy hokimliklarning mas’uliyatini oshirish maqsadida amalga oshirilayotgan ishlar ko‘zdan kechirildi.
📑 Shuningdek, Xalq deputatlari Shovot tumani Kengashining VII-18-143-12-177-K/25-sonli “2026-yilda Shovot tumanini kompleks ijtimoiy-iqtisodiy rivojlantirish dasturi to‘g‘risida”gi qarori ijrosi doirasida olib borilayotgan qurilish va bunyodkorlik ishlari bilan tanishildi.
🏗 Xususan, tumandagi “Bunyodkor” va “Yangiobod” mahalla fuqarolar yig‘inlari hududida joylashgan 2-son umumiy o‘rta ta’lim maktabini rekonstruksiya qilish loyihasining amalga oshirilish jarayoni o‘rganildi.
🏫 Mazkur loyihaning umumiy qiymati 21 milliard 312 million so‘mni tashkil etib, rekonstruksiya ishlari yakunlangach maktabning loyiha quvvati 1494 o‘ringa yetkaziladi. Natijada o‘quvchilar uchun zamonaviy va qulay ta’lim sharoitlari yaratilishi hamda ta’lim sifati yanada oshishiga xizmat qiladi.
✅ O‘rganish yakunida mas’ullarga qurilish ishlarining sifati va muddatlariga alohida e’tibor qaratish, belgilangan vazifalarning o‘z vaqtida va sifatli bajarilishini ta’minlash yuzasidan tegishli tavsiyalar berildi.