Xalq deputatlari Mirzo Ulug‘bek tumani Kengashi deputati Oydin Daniyarxodjayeva “Ko‘hna mevazor” “mahalla yettiligi” bilan navbatdagi uchrashuv o‘tkazdi.

Uchrashuvda deputat mahalladagi yoshlar o‘rtasida jinoyatchilik va huquqbuzarliklarni barvaqt oldini olish borasida olib borilayotgan ishlar bilan yaqindan tanishdi.

Tanishuv jarayonida Oydin Daniyarxodjayeva yoshlar jinoyatchiligiga asosan nosog‘lom muhitda voyaga yetgan, ota-onalar nazoratisiz qolgan qatlam vakillari qo‘l urishi, ularning o‘z vaqtini besamara o‘tkazishi, qarovsizligi oxir-oqibat turli salbiy illatlar ta’siriga tushib qolishiga sabab bo‘lishi xaqida ta’kidladi.  

Yoshlar jinoyatchilini oldini olish borasida tizimli chora-tadbirlarni amalga oshirish orqali yoshlar jinoyatchiligi bilan bog‘liq ko‘rsatkichlari yildan-yilga yaxshilanmoqda.

Shuningdek, deputat mahallalarda “Yoshlar: 1+1”, “Har bir tadbirkor – yoshlarga madadkor” shiorlari ostida ma’naviy-ma’rifiy uchrashuvlar, davra suhbatlari o‘tkazilishi to‘g‘risida fikr bildirdi.