#tavsiyalar_asosida

Xalq deputatlari Kogon shahar Kengashi deputati Sh. Isamutdinov, mutaxassislar I. Ikromov va Z. Temirovalar Istiqlol mahallasida bo‘lib, hokim yordamchisining faoliyati bilan yaqindan tanishdi.

Uchrashuv davomida mahallada aholi bandligini ta’minlash, tadbirkorlikni qo‘llab-quvvatlash va davlat tomonidan yaratilayotgan imkoniyatlardan foydalanish darajasi o‘rganildi.

Fuqarolarga ajratilgan imtiyozli kreditlar, subsidiyalar va boshqa ko‘mak turlarining manzilli yetib borishi, ulardan foydalanish natijasida erishilgan samaralar joyiga chiqib tahlil qilindi. Shuningdek, ayrim xonadonlar faoliyati ko‘zdan kechirilib, aholining mavjud ehtiyojlari va takliflari tinglandi.

O‘rganish yakunida davlat imtiyozlaridan foydalanish ko‘rsatkichlarini yanada oshirish, yangi ish o‘rinlari yaratish hamda aholi daromadlarini ko‘paytirishga qaratilgan vazifalar yuzasidan fikr almashildi. Mahallada olib borilayotgan ishlar hududni rivojlantirish va fuqarolarning turmush sifatini yaxshilashga xizmat qilayotgani qayd etildi.

Xalq deputatlari
Kogon shahar Kengashi
axborot xizmati

Telegram
Instagram
Facebook
Youtube
E-kengash