Xalq deputatlari Boyovut tumani Kengashi deputati Z. Alimov tomonidan o‘ziga biriktirilgan “Raqobat to‘g‘risida”gi O‘zbekiston Respublikasining Qonuni (O‘RQ-850-son, 2023-yil 3-iyul) mazmun-mohiyatini keng targ‘ib qilish maqsadida ta’lim sohasi vakillari bilan uchrashuv tashkil etildi.

Uchrashuv davomida mazkur qonunning asosiy yo‘nalishlari, sog‘lom raqobat muhitini shakllantirish, teng sharoitlarni yaratish, korrupsion holatlarning oldini olish hamda xizmatlar sifatini oshirishdagi ahamiyati haqida batafsil ma’lumot berildi.

Shuningdek, ta’lim tizimida ochiqlik va shaffoflikni ta’minlash, qonun talablariga rioya etish hamda fuqarolarning huquq va manfaatlarini himoya qilish masalalari yuzasidan fikr almashildi.

Yakunda ishtirokchilarning savollariga javob berilib, qonun ijrosini samarali ta’minlash bo‘yicha tegishli tavsiyalar bildirildi.