Xalq deputatlari Zarbdor tuman Kengashiga 7-Sutbuloq saylov okrugidan saylangan deputat I.Allayarov tomonidan hududda aholi bandligini ta’minlash va daromad manbalarini kengaytirish borasida olib borilayotgan ishlar yuzasidan Lalmikor mahallasi hokim yordamchisining 1-chorak yakuni bo'yicha o'rganish olib borildi.

Jumladan, Lalmikor mahallasida yashovchi fuqaro G. Rahmonovaga mahalla hokim yordamchisi ko‘magida 20 million so'm imtiyozli kredit ajratilganligi aniqlandi. Mazkur mablag‘dan samarali foydalanish natijasida fuqaro Farg‘ona viloyatidan 100 dona parranda xarid qilgan.

Hozirda parrandalarning asosiy qismi tuxum berish jarayonida bo‘lib, bu esa oila daromadini oshirishga, turmush sharoitini yaxshilashga xizmat qilmoqda.

Mazkur amaliy ishlar hududda aholi bandligini ta’minlash va tadbirkorlikni rivojlantirish borasida olib borilayotgan ishlarning yana bir ijobiy natijasi hisoblanadi.