Mazkur o‘rganish Hududiy elektr tarmoqlari" AJ Margʻilon shahar boʻlimida oʻtkazildi, unda kotibiyat mudiri A.Ermatov, kotibiyatboshmutaxassisi N.Akbarova, “Madad” NNT huquqiy maslahat byurosi Marg‘ilon shahar bosh mutaxassisi S.Ismoilov ishtirok etdilar.

O‘rganishlar davomida Tog‘liq, Uvaysiy, Teraktagi, Yangiobod, Tuyagum, Yo‘rmado‘z, Ipakyo‘li, O‘rdatagi va Roxat mahallalarida ma’nan eskirgan yog‘och elektr tayanchlarini zamonaviy temir-beton tayanchlarga almashtirish bo‘yicha amalga oshirilgan ishlar ko‘zdan kechirildi.

Aniqlanishicha, ayrim hududlarda ishlar boshlangan bo‘lsa-da, ba’zi mahallalarda bajarilish sur’atlarida kamchiliklar mavjud. Bu esa aholi uchun elektr energiyasi yetkazib berishda uzilishlar va sifat muammolariga sabab bo‘lishi mumkin.

Mutasaddi tashkilotlarga mavjud kamchiliklarni bartaraf etish, ishlarni jadallashtirish hamda sifat nazoratini kuchaytirish yuzasidan tegishli tavsiyalar berildi.