Muborak tumanida korrupsiyaga qarshi kurashish tizimi o‘rganildi

Xalq deputatlari Muborak tumani Kengashining Korrupsiyaga qarshi kurashish va xavfsizlik masalalari bo‘yicha doimiy komissiyasi tomonidan Muborak tuman Byudjetdan tashqari pensiya jamg‘armasi bo‘limida korrupsiyaga qarshi kurashish tizimini yanada takomillashtirish yuzasidan o‘rganish olib borildi.

🔺O‘rganish davomida bo'limda korrupsiyaviy xavf-xatarlarni aniqlash, ularning oldini olishga qaratilgan ichki nazorat mexanizmlari, xizmat vazifalarini bajarishda ochiqlik va shaffoflik tamoyillariga rioya etilishi holatlari atroflicha tahlil qilindi. Shuningdek, fuqarolar bilan ishlash jarayonlari, murojaatlarni ko‘rib chiqish tartibi, davlat xizmatlari ko‘rsatishda inson omilini qisqartirish bo‘yicha amalga oshirilayotgan ishlar ham o‘rganildi.

🔺Tadbirda xalq deputatlari Muborak tumani Kengashi kotibiyati mudiri A. Qurbonov, doimiy komissiya raisi P. Jalilov hamda O‘zbekiston “Adolat” sosial-demokratik partiyasi Muborak tuman kengashi raisi Z. Rasilovalar ishtirok etib, o‘rganish jarayonida o‘z fikr va mulohazalarini bildirdilar.

💠O‘rganish yakunida korrupsiyaga qarshi kurashish tizimini yanada takomillashtirish, xizmatlar ko‘rsatishda shaffoflikni ta’minlash hamda aholi ishonchini mustahkamlashga qaratilgan amaliy chora-tadbirlarni izchil davom ettirish muhimligi ta’kidlandi.