Mirishkor MFY hududida sportga qiziqadigan hamda kelajakda murabbiylik faoliyati bilan shug‘ullanish istagida bo‘lgan aholi yoshlari bilan tuman Kengashi deputati deputati E.Tursunov ishtirokida uchrashuv tashkil etildi. 

Uchrashuv davomida deputat yoshlar bilan ochiq muloqot o‘tkazib, ularning sport sohasidagi rejalari, qiziqishlari va muammolarini tingladi. 

Deputat o‘z navbatida yoshlarning tashabbuslarini qo‘llab-quvvatlash muhimligini ta’kidlab, sport bilan muntazam shug‘ullanish nafaqat sog‘liqni mustahkamlashi, balki intizom, matonat va maqsad sari intilish kabi fazilatlarni ham shakllantirishini aytib o‘tdi. Shuningdek, sportga qiziqayotgan yoshlarni qo‘llab-quvvatlash, ularni murabbiylik kasbiga yo‘naltirish va zarur sharoitlar yaratish masalalari yuzasidan tegishli vazifalar belgilab olindi.