Коррупция дүня көлеминде шешилиўи керек болған глобал машқалалардан бири болып есапланады. Бул иллет ҳәр қандай мәмлекет ҳәм жәмиеттиң сиясий-экономикалық раўажланыўына үлкен зыян жеткереди, инсан ҳуқықлары менен еркинликлериниң бузылыўына алып келеди. Сол себепли оған қарсы гүрес халықаралық әҳмиетке ие болып, жәҳән сиясатының әҳмиетли мәселелери қатарынан орын алған.

Ҳәзирги дәўирде коррупция көплеген мәмлекетлердиң экономикалық ҳәм сиясий потенциалына өзиниң унамсыз тәсирин көрсете алды. Оған қарсы гүресиў, турақлы түрде әмелге асырылыўы зәрүр болған әҳмиетли ўазыйпалардан бирине айланды.

Халық депутатлары Хожели районлық Кеңеси Коррупцияға қарсы гүресиў ҳәм қәўипсизлик мәселелери бойынша турақлы комиссиясы баслығы А.Таджимуратов Хожели районлық айрықша жағдайлар бөлими хызметкерлери менен “Коррупция жәмийет душпаны” атамасында ушырасыў өткерди.

Ушырасыўда коррупцияның алдына алыў, оны келтирип шығарыўшы себеплер ҳаққында пикирлесилди.